21 diciembre 2021

Exposición 25 N e 10 decembro

Para lembrar ambas datas (25 de novembro e 10 de decembro) organizouse tamén unha mostra no corredor de Secundaria con fondos da biblioteca (libros e películas) relacionados co tema.

10 de Decembro.Día Internacional dos Dereitos Humanos

“Españoles en Mathausen”

En relación coa conmemoración o pasado día 10 de decembro do Día Internacional dos Dereitos Humanos, tivo lugar o día 16 unha charla organizada pola nosa biblioteca para o alumnado de 4º de ESO e impartida pola profesora do centro Conchi Sanfiz. Ela tivo a oportunidade, fai varios anos, de viaxar cun grupo de alumnos/as seus ao campo de concentración de Mauthausen e aos chamados “campos satélites” dependentes deste, co privilexio de ir acompañados por varios españois que foran prisioneiros aló, e que lles explicaron as súas terribles experiencias en primeira persoa. A charla tivo como fin último concienciar ao noso alumnado da importancia de coñecer a historia para non repetir tráxicos erros e como modo de honrar a memoria dos que sofriron a doble dor de pasar por unha experiencia terrible e despóis non poder contala ou non atopar quen quixera escoitala. Tamén se recalcou a actitude dos deportados de aparcar o rencor e preocuparse soamente por dar testemuña do acaecido para que a morte dos compañeiros que quedaron no camiño tivera algún sentido, servindo de “vacina” contra os totalitarismos de calquera tipo.

Centenario do pasamento de Emilia Pardo Bazán.

A nosa biblioteca quixo sumarse aos actos que, en homenaxe á ilustre escritora galega, tiveron lugar ao longo deste ano 2021. Por este motivo, no clube de lectura de adultos comentouse neste mes de decembro “Los pazos de Ulloa”.

Ademáis, con motivo da celebración do Día Internacional contra a Violencia de Xénero, o alumnado de 4º da ESO tivo ocasión de coñecer e comentar dous relatos da autora que xiran en torno a este tema e que amosan o compromiso cos dereitos das mulleres que sempre tivo presente. Se trata dos titulados “El encaje roto” y “El indulto”.

LIBROAMIGO INVISIBLE

Alumnos y alumnas de 6º EP disfrutando con sus libroamig@s invisibles.

07 diciembre 2021

Libroamigo invisible

Se queres participar no LibroAmigo Invisible, podes pasar pola biblioteca do centro, do 13 ao 17 de Decembro, e escoller un libro para @ teu amig@ invisible. O libro que escollas, farémosllo chegar nos vindeiros días . Se tí recibes un LibroAmigo Invisible, deberás devolvelo á biblioteca á volta das vacacións de Nadal.

Novedades da biblioteca

25 N Charla " Ser niña o mujer en Irán"

“Ser mujer o niña en Irán”

O pasado 26 de novembro, con motivo da conmemoración a víspera do Día Internacional contra a Violencia de Xénero, o Departamento de Orientación e a nosa biblioteca organizaron unha charla do filólogo, animador cultural e viaxeiro empedernido Pedro Gilthoniel sobre como é a vida das mulleres e das nenas en Irán na actualidade. Todo o alumnado da ESO asistiu, en dúas quendas, á charla, que se repetiu o 29 de novembro, adaptándoa a 5º e 6º de Primaria.

Os nosos alumnos e alumnas ficaron moi impresionados polo ameno relato de Pedro, quen acompañou as súas palabras con fotografías e breves videos moi ilustrativos. Posteriormente o profesorado ligado á actividade recolleu as impresións do alumnado sobre a mesma. Os comenarios, todos eles moi positivos, repetiron sobre todo as ideas de que aprenderan sobre un país e unha realidade que lles era totalmente descoñecida, que lles impresionara moito a cantidade de prohibicións inxustificables ás que estaban sometidas as nenas e as mulleres (como cantar e bailar na rúa ou montar en bicicleta, por exemplo) e que coñecer todo isto tamén lles axudara a fomentar a solidariedade cos pobos que sofren calquera tipo de opresión e a valorar as vantaxes de vivir nunha sociedade onde cada vez as mulleres van conquistando máis terreo e conseguindo que se escoiten as súas reivindicacións, malia que quede camiño por andar.