Curso 2019/20

                       XA ESTAMOS DE VOLTA!

             Un ano mais, iniciado o novo curso, organizamos as xornadas de acollida para presentar a biblioteca aos estudantes de ESO que se incorporan ao centro.  A idea é que comecen a familiarizarse coas instalacións, para o cal lles explicamos todo a que deben saber sobre a xestión da sala e como buscar documentos cando o precisen.

            O final da sesión, os alumnos recibiron bonitos marca-páxinas como recordo desta primeira visita á biblioteca escolar. confiamos en que os utilicen moito nas súas vindeiras lecturas.

                  BENVIDOS, RAPACES!

Alumnos de 1º ESO na sesión de acollida da biblioteca.

SABEMOS USAR AS REDES SOCIAIS?

O pasado 14 de outubro os nenos de 5º/6º de E. Primaria asistiron a unha charla a cargo do INCIBE, na biblioteca. A finalidade era que os rapaces aprendan a navegar con seguridade no ciberespacio.

Nenos de E. Primaria coa representante do INCIBE en Guntín.

2ª MOSTRA DE PRODUTOS DE OUTONO

           

Coa chegada do outono, a natureza poñe á nosa disposición os riquísimos alimentos da tempada: castañas, fabas, noces, cogumelos, cabazas… Unha selección deles, recollida polos nenos, poderá verse durante os próximos días no noso centro.

            Que aproveite!

CELEBRAMOS O DÍA DAS BIBLIOTECAS

Este curso celebramos o día das nosas bibliotecas lendo un conto aos nenos pequeniños. Os lectores foron un grupo de rapaces de 2º ESO e os que disfrutaron coas fabulosas historias foron os nenos de 6º E. Infantil.

Boas lecturas para todos!

AS MOCHILAS SAEN DE VIAXE

É hora de que as mochilas viaxeiras saian da biblioteca para chegar ás casas dos nosos pequenos lectores. Esperamos que os contos, as historias fantásticas e aventuras narradas nos libros e nos DVDs  contidos nas mochilas axuden aos nenos a percorrer o extraordinario mundo da imaxinación.

                FELIZ VIAXE!

Os nenos de 2º  E. Primaria  nos mostran a súa mochila

Os nenos de 6º E. Infantil nos mostran a súa mochila

PROMOCIONANDO A MÚSICA EN GUNTÍN

            Para fomentar a cultura musical entre o noso alumnado, recibimos a visita do director do conservatorio de Santiago, quen falou acerca da influencia benéfica da música na vida das persoas, instando aos rapaces a estudar música e, sobre todo, a disfrutar con ela.

MARIÑEIROS POR UN DÍA

Comezamos as actividades incluidas no Programa Aliméntate ben cunha visita á lonxa de Celeiro, porto lucense de gran tradición pesqueira. Este curso o programa fará especial fincapé na importancia de incluir peixe fresco na alimentación dos rapaces, dadas as propiedades nutricionais deste alimento.

En Celeiro, dous mariñeiros nos explicaron como é unha xornada de traballo na lonxa, vimos e incluso tocamos algúns dos peixes e mariscos que arriban e, para sorpresa dos nenos, visitamos as instalacións do equipo de salvamento marítimo.

Tamén subimos ao helicóptero!

FANTÁSTICO!

XORNADA DE DEGUSTACIÓN SOLIDARIA

        Como actividade integrada no Programa Aliméntate ben, dedicada á nutrición, o pasado venres 28 de febreiro, celebramos a xornada de degustación de repostaría de Entroido.

         Con ela pretendiamos fomentar o consumo de alimentos elaborados de forma artesanal, tradicional, en detrimento dos produtos industriais, tan nocivos para a saúde.

        Moitos alumnos trouxeron orellas, filloas, rosquillas, bicas, bizcoitos… para degustar e vender solidariamente, xa que, ademáis, os cartos recadados iban destinados a unha ONG.

TODO RIQUÍSIMO!

Alumnos de 6º venden doces na quenda de E. Primaria

Alumnos de 3º atenden o mostrador durante a súa quenda

DÍA DA MULLER 2020

        Este ano, como aportación aos actos relacionados co Día Internacional da Muller, a biblioteca poñe á vosa disposición bibliografía sobre ese tema adquirida recientemente. Os libros quedan expostos nos estantes dedicados a Igualdade de xénero, na sala, e no expositor habilitado no corredor do primeiro andar.

        Animádevos a botarlles unha ollada!

O SABOR DA AVENTURA ESTÁ NO MAR

O pasado 5 de marzo, e como actividade incluida no Programa Aliméntate ben, recibimos a visita de Mariña e Luis, dous enamorados do mar que realizaron un precioso obradoiro na biblioteca, para rapaces de E. Primaria e ESO.

Con eles descubrimos as propiedades nutricionais dos peixes que atopamos habitualmente no mercado e comprendimos a importancia de incluir estes alimentos na nosa dieta. Por outra banda, mostraron variadísimas maneiras de cociñalos, animándonos a preparar fáciles e riquísimas receitas.

A comer peixe!

Un grupo de ESO escoita a Mariña e Luis

Nenos de E. Primaria xogan con Luis e Mariña

                  OS SONS QUE NOS ARROLAN

O pasado 9 de marzo os nenos pequeniños recibiron a visita do grupo musical O son que me arrola. Con el, os nenos cantaron, bailaron e incluso exploraron novas sonoridades de instrumentos musicais non convencionais.

                                                         Toda unha festa!

 

EXCURSIÓN Á BIBLIOTECA NODAL

O miércoles 11 de marzo os peques de E. Infantil viaxaron ata a cidade de Lugo para visitar a biblioteca nodal.

Oxalá a oportunidade de coñecer esa magnífica biblioteca sirva para despertar o gusto pola lectura nos máis pequenos e así se convirtan en usuarios entusiastas da nosa biblioteca en anos vindeiros.

Unha viaxe maravillosa!

       





                       ALIMÉNTATE BEN
             DURANTE O CONFINAMENTO

Dado que non podemos ter as charlas previstas sobre nutrición, incluídas no programa Aliméntate ben, deixamos aquí varios enlaces onde atopar información moi interesante para as familias sobre alimentación saudable e para desfrutar facendo cousas ricas en casa durante estes días. 

 

XOGOS E RECEITAS PARA FACER EN FAMILIA 

https://www.nutricoles.com/download/3429/

https://www.nutricoles.com/download/3448/

FORMACIÓN NUTRICIONAL PARA TODOS

https://www.instagram.com/nutricoles/?hl=es

https://www.facebook.com/nutricoles/






O SABOR DA AVENTURA ESTÁ NO MAR


 
Aquí tedes acceso a outra páxina con recursos para as familias  (xogos, receitas...):


                         


 https://osabordaaventuraestanomar.xunta.gal/gl








CONTOS EN ABERTO PARA TÓDALAS IDADES

No seguinte enlace atoparedes unha selección de contos infantís para ler durante estes días de permanencia en casa.

Boas lecturas!

 https://issuu.com/oscarmariabarreno