CELEBRANDO O DÍA DA PAZ

 Con motivo da conmemoración do Día da Paz, o Equipo de biblioteca organizou dúas actividades:

- Lecturas compartidas en Infantil e Primaria, actividade na que o alumnado de Infantil, 1º, 2º e 3º de EP disfrutaron da visita de dous alumnos ou alumnas de 6º (en EI e 1º EP), 5º (en 2º EP) e 4º (en 3º EP), que lles leron ou representaron un conto relacionado coa Paz.

- Decoración do símbolo da Paz con frases, palabras ou debuxos inspiradores feitos en Post-its polo alumnado de Infantil, Primaria e Secundaria.

MALETA VIAXEIRA DE INCLUSIÓN

Exposición dos libros da Maleta viaxeira de Inclusión de Secundaria que recibimos no mes de xaneiro en préstamo interbibliotecario do CFR de Lugo para o alumnado e profesorado.

CELEBRAMOS O NADAL

Para celebrar o Nadal, o equipo de biblioteca propuxo estas dúas actividades:

- O Libroamigo invisible, actividade na que participou alumnado, profesorado e peroal non docente. Os participantes recibiron como agasallo de Nadal un libro en préstamo da biblioteca.

- E o Concurso de Marcapáxinas de Nadal, para todo o alumnado do centro, con cinco categorías: Infantil, 1º ciclo de EP, 2º ciclo de EP, 3º ciclo de EP e Secundaria. Os gañadores de cada categoría recibiron recibiron un premio e diploma no Festival de Nadal e un dos marcapáxinas gañadores foi seleccionado como felicitación de Nadal do centro para a páxina web e redes sociais.