PRESENTACIÓN DA BIBLIOTECA AOS NOVOS ALUMNOS
Un ano mais,
iniciado o novo curso, organizamos as xornadas de acollida para presentar e
familiarizar ao novo alumnado de ESO co uso da biblioteca. Tras explicar aos
rapaces de 1º a organización dos fondos e a xestión da mesma, os rapaces elaboraron
un gran cartel de benvida, no que cada estudante deseñou unha letra.
Para
mellorar o funcionamento da biblioteca no centro, este ano os nenos de E.
Primaria tamén recibiron unha sesión informativa ao respecto.
AS MOCHILAS SAEN DE VIAXE
Unha vez
máis, as mochilas viaxeiras saen da biblioteca para chegar ás casas dos
nosos pequenos lectores. Esperamos que os contos, as historias fantásticas e
aventuras narradas nos libros e nos DVDs contidos nas mochilas axuden aos nenos a percorrer o extraordinario mundo da
imaxinación.
FELIZ VIAXE!
‘ALIMÉNTATE BEN’ CON PRODUTOS DE
OUTONO
Castañas,
noces, cogumelos, fabas, cabazas… riquísimos alimentos que a natureza nos
proporciona en outono. Unha selección deles, recollida polos nenos, se mostra á
comunidade educativa de Guntín e ao público que visite o noso centro. Sirva
para promocionar a boa alimentación cos produtos de tempada.
QUE
APROVEITE!
TODOS CONTRA A VIOLENCIA DE XÉNERO
Os alumnos de Guntín manifestan o seu
apoio a esta causa a través de fotografías, textos e debuxos, todos eles
expostos ao público no corredor do centro educativo.
Ademáis, o venres previo ao domingo
25 de novembro (Día Internacional Contra a Violencia de Xénero), a comunidade
educativa de Guntín se reuníu no salón de actos para alzar a súa voz nunha
canción contra este mal que aínda envenena a sociedade moderna.
A BIBLIOTECA SE UNE AO 25N
Unímonos á causa do 25N sacando da
sala os libros desta temática para expoñelos fora, no corredor, xunto ás outras
manifestacións contra a violencia elaboradas polo alumnado. Facéndoos mais visibles
esperamos que capten a vosa atención e que vos animedes a ler estes
maravillosos libros educativos.
Procuraremos deixar este expositor permanentemente no
corredor, variando a temática dos libros ao longo do curso. Animádevos con eles
e…
O BREOGÁN VISITA GUNTÍN
O xoves 29 de novembro o adestrador e
varios xogadores do Club de Baloncesto Breogán visitaron o noso centro, onde
compartiron cos estudantes as súas experiencias deportivas, animaron aos
rapaces a practicar deportes, recomendaron lecturas e, para rematar a xornada,
xogaron con eles durante un rato a baloncesto.
Os nenos, encantados.
SUSA HERRERA CANTA PARA OS NENOS EN GUNTÍN
LECTURA COMPARTIDA EN NADAL
Para celebrar a chegada deste entrañable evento,
dende a biblioteca organizamos unha lectura de contos para nenos de Educación Infantil.
Os lectores foron os alumnos de 3º ESO.
Toda unha experiencia lectora!
PREPARÁNDONOS PARA SALVAR VIDAS
A biblioteca
escolar, como centro sociocultural da nosa comunidade educativa, acolleu
recentemente a visita de dúas profesionais sanitarias para realizar un
obradoiro de primeiros auxilios cos alumnos de E. Primaria e E. Secundaria. Con
elas aprendimos, entre outras cousas, os pasos necesarios para realizar unha
reanimación, en caso de parada cardíaca, e unha desobstrucción de vías
respiratorias en caso de atragantamento.
Esperemos
recordar todo si se da a circunstancia…
CELEBRANDO A PAZ EN GUNTÍN
Un ano máis, ao chegar a Xornada Mundial da Paz, os
membros da comunidade educativa de Guntín reunímonos para celebralo. Alumnos de
tódolos cursos presentaron traballos elaborados en clase relacionados coa
promoción da paz. Os resultados das súas reflexións quedaron reflectidos en
varios muráis, expostos ao público no corredor do centro.
XORNADA MUSICAL
Os
nenos de E. Primaria presentaron no salón de actos os traballos, realizados en
clase durante o primeiro trimestre, vinculados ao Programa A música. O tema, común para todos, trataba sobre compositores
relevantes da historia.
Fantástico
traballo, rapaces!
A NOSA BIBLIOTECA, CENTRO CULTURAL
Os alumnos da ESO asistiron a un
relatorio sobre a historia dos medicamentos, organizado polo Departamento de
Ciencias. Forma parte das actividades programadas no centro para a promoción da
cultura e a formación integral do alumnado.
Interesantísimo!
BOCATAS PARA TODOS
O venres 15 de febreiro os alumnos de
E. Primaria e E. Secundaria asistiron ao obradoiro Ponlle as pilas ao teu bocata, incluido no Programa Aliméntate ben. A través de xogos e actividades
interactivas, os estudantes comprenderon a importancia de incluir o peixe na
nosa dieta, concretamente o peixe en conserva, para ter unha alimentación
equilibrada e nutritiva.
Como remate da sesión, os nenos
disfrutaron de bocatas de conservas elaborados in situ.
RIQUÍSIMOS!
XORNADA COAS MULLERES
Con motivo do Día internacional da
Muller, o pasado 8 de marzo tivo lugar no salón de actos o coloquio
correspondente á terceira Xornada das Mulleres, algo que vimos desenvolvendo
nos últimos anos. Nesta ocasión contamos con catro participantes, os cales
aportaron sus visións respecto á situación da muller na sociedade actual e
compartiron as súas experiencias co alumnado de Guntín.
SEMANA CULTURAL 2019
Entre os días 13 e 16 de maio
celebramos a nosa Semana Cultural, na que os estudantes de Guntín tiveron
encontros culturais en diversos ámbitos. Conferencias, obradoiros, concursos e
xogos inundaron a xornada escolar do alumnado, coa intención a acercar a nosa
comunidade educativa, incluindo as familias, á cultura nos seus múltiples
aspectos.
Recollemos aquí algúns dos encontros que tiveron lugar:
O luns 13 asistimos á charla a cargo de Inés Fernández Lamela
sobre violencia de xénero. A relatora nos contou a súa experiencia como víctima
de maltrato, recollida no libro ‘As miñas fillas devolvéronme a vida’.
Momento para a reflexión.
FEIRA DO LIBRO
Un ano máis
os alumnos de 4º ESO organizaron a Feira do Libro. Os cartos recadados se
destinan a sufragar os gastos da súa viaxe de fin de etapa.
Feliz viaxe,
rapaces!
PARA OS PEQUENIÑOS… MAXIA!
O luns 13, os máis pequenos tiveron unha sesión de maxia con
Carlos Coira, con quen viaxaron polos mundos da fantasía.
E, a mediodía, recibimos a visita da nutricionista Natalia Hospido, con quen os pequeniños abriron os seus sentidos a
alimentos descoñecidos para eles, tales como laranxas, cebolas, alcachofas…,
moi sanos e necesarios para ter unha boa alimentación.
Concurso ‘Aliméntate
ben’
O
martes 14 os alumnos participaron nun dinámico xogo organizado
dentro do programa ‘Aliméntate ben’. Os nenos, agrupados
en equipos, tiñan que atopar as respostas a unha serie de preguntas,
buscando a información en láminas distribuídas ao longo do
corredor do primeiro andar.
Fixérono estupendamente ben.
Fantástico,
rapaces!
Os rapaces de
3º e 4º da ESO dedicaron a tarde do martes a elaborar riquísimos dulces no
obradoiro de confitería ofrecido por profesores do EFA Piñeiral de Arzúa,
actividade tamén incluida no programa
‘Aliméntate ben’. Entre outras cousas, fixeron piruletas de chocolate con
queixo da terra.
Boísimo!
O mércores 15 os pequeniños
disfrutaron dunha sesión de teatro. Tratouse do conto ‘Pedro y el lobo’,
representado por alumnos de 2º e 3º ESO.
O xoves 16 os rapaces de ESO
xogaron co idioma inglés na biblioteca nunha reñida sesión de English Kahoot.
E, para rematar a semana
cultural… A RADIO!
A comunidade educativa de Guntín
tivo a oportunidade de presenciar unha sesión de radio en vivo e en directo.
Profes, alumnos, nais e incluso o alcalde pasaron polos micrófonos da cadena
SER.
CLUB DE LECTURA FAMILIAR
Este ano púxose en marcha un novo club
de lectura. Está formado por un grupo de nais/pais que len o mesmo libro cos
seus fillos ao longo dun trimestre.
Pasado ese tempo, reúnense para compartir as súas experiencias lectoras.
A idea é promover a lectura nas
familias.
No hay comentarios:
Publicar un comentario